ಮಧು ಮಧುರ ಈ ಮೈತ್ರಿ
ಸುಮಧುರವು ಶುಭ್ರರಾತ್ರಿ|
ಹೊರಟಿಹುದು ಪಂಚ ಶರಧಿ
ಶಶಿ ಮೂಡಿಹನು ಮನದಿ||
ಮುದ ನೀಡೋ ಶ್ವೇತ ಕುಮುದ
ತಿಳಿನೀರ ಶುಭ್ರ ಜಲದಿ|
ಜತೆ ಹಂಸ ಆಡುತಿರಲು
ಆ ಚಂದ್ರ ಹಾಸ ಮೂಡಿ||
ಬಾಗಿಹುದು ಆಮ್ರ ಫಲವು
ಪಿಸು ಮಾತು ಶುಕ ರವವು|
ಅನುರಣಿಪ ಮಂದ್ರ ರಾಗ
ಕಳೆದ್ಹೋಯ್ತು ಆ ವಿರಾಗ||
ಅನುದಿನವು ನಾಟ್ಯರಾಣಿ
ಕಡೆದಿರಲು ಚತುರ ಶಿಲ್ಪಿ|
ನಟವರನು ಹರಸುತಿರಲು
ನಾಚಿಹುದು ಗಿರಿ ಮಯೂರ||
ಹಠವಾದಿ ಮಂದ ಮಾರುತ
ಛಲದೊಳಿಹ ಗೋವಿಂದ ಸುತ|
ಜೋಡಿಯೊಳು ಮಿನುಗು ತಾರೆ
ಓ ಪ್ರಿಯೆ ನಾ ನಿನಗೆ ಅಭಾರೆ||
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ