ನವಸಂವತ್ಸರದ ಸಂಭ್ರಮಕ್ಕೆ ಮೇಘದಿಂದ ಅಡ್ಡಿಯಾದ ಬೇಗೆ.....!!!

ಮೇಘವೇ ಏತಕೆ ಓಡುವೆ ನೀ
ಆ ಸೂರ್ಯನ ಮರೆಮಾಚುವೆ ಏತಕೆ ನೀ॥
ಕುಜವರ್ಣನ ತಂಪು ಕಣ್ಮನ ಸೆಳೆವ ಶೋಭೆಗೆ
ತೆರೆ ಎಳೆಯುವುದೇತಕೆ ಮಂಕೆ!
ಬದಲಾಗದು ನಿನ್ನ ವರ್ಣವು, ಸ್ವರ್ಣವದು
ರಜತವಿರಲಿ ಅದು ತಾತ್ಕಾಲಿಕ ಶಂಕೆ!!
ಸಂಧ್ಯಾಸೂರ್ಯನ ಮನಮೋಹಕ ರೂಪಿಗೆ
ನಸುಗೆಂಪಿನ ಒನಪು ವಯ್ಯಾರಕೆ।
ಅಡ್ಡಿಯಾಗಿ ಕಸಕಡ್ಡಿಯಾಗದಿರು
ಓಡುವ ಹಠವ ಬಿಡು ಮರುಳೇ॥
ಗೂಡ ಸೇರುತಿಹ ಖಗ ಮೃಗಾದಿಗಳ
ಧಾವಂತಕೆ ದನಿಯಾಗುತಿಹ ಅರ್ಕನ
ತರ್ಕಕ್ಕೀಡಾಗದೆ ಅರ್ಘ್ಯ ಸ್ವೀಕರಿಸುತಿಹ
ಶಕ್ತಿಸ್ವರೂಪ ಸವಿತೃವಿನ ಹಣಿವಾಸೆ ಬಿಡು॥